ប្រវត្តិខ្លះៗ​ របស់ គ្រូបង្រៀន ពីរ​ នាក់ ឈ្មោះ​ Ann និង​ Sonn

Teacher's Diary គឺជាខ្សែរភាពយន្តមួយដែលនិយាយពីជីវិតរបស់គ្រូបង្រៀន និងការតស៊ូរបស់គ្រូបង្រៀន ធ្វើគ្រប់បែបយ៉ាងឲ្យតែបានធ្វើការងារដែលខ្លួួនពេញចិត្តនិង ស្រលាញ់ទោះមានផលវិបាកក្នុងការធ្វើការងារ ខុសជំនាញ​មានមនោសច្ចេតនារវាងគ្រូនឹងសិស្ស ការស្រលាញ់មនុស្សដែលយើងមិនស្គាល់ប្រវត្តិច្បាស់ ស្នេហ៍ខ្វែងគំនិតគ្នាជាដើម។  រឿងនេះក៏បានបង្ហាញឲ្យយើងចេះជ្រើសរើសផ្លូវដើរនៅក្នុងជីវិត ការជ្រើសរើសដៃគូរដែលមានគំនិតដូចគ្នា ការមិនបញ្ចូនកូនទៅរៀនដោយសារជីវភាពគ្រួសារ​ និងការខិតខំតស៊ូនៅក្នុងជីវិតដើម្បីឲ្យយើងសម្រេចបានគោលដៅនៅក្នុងជីវិត ហើយរឿង Teacher's Diary នេះ ក៏មានបង្ហាញពីបច្ចេកទេស ដើម្បីឲ្យសិស្សនុសិស្សអាចយល់ដឹងអំពីការថតការលេងប្លង់ការសម្តែង

បានដឹងផងដែរដូចជានៅពេលដែលយើងមើលរឿងនេះទៅធ្វើឲ្យយើងមានគំនិតច្នៃប្រឌិតក្នុងការ

និពន្ធ តិចនិកក្នុងការថត ការកាត់ត ការសម្ដែង ពន្លឺ សំលេង និង ការច្នៃប្រឌិតផ្សេងៗ។

ទោះបីជាសាច់រឿងនេះមើលទៅមានភាពច្របូកច្របល់បន្តិចមែន ប៉ុន្តែមិនមានភាពសាុំញាុំនោះទេ ពីមួយវគ្គទៅមួយវគ្គមានភាពស៊ីចង្វាក់គ្នា។ ការសម្ដែងរបស់តួអង្គ គឺដូចជាមានចរិកពីធម្មជាតិមិនមានភាពឆ្គងដែលគួរឲ្យគត់សម្គាល់នោះទេ ហើយអ្វីដែលពិសេសនោះគឺអ្នកនិពន្ធ បាននិពន្ធមិនឲ្យតួអង្គទាំងពីរគឺអ្នកគ្រូ Ann និង លោកគ្រូ​ Song មិនបានជួបគ្នារហូតដល់ចុងបញ្ចប់នៃរឿង ដោយនៅពេលដែលតួអង្គទាំងពីរជិតបានជួបគ្នា ក៏កើតជាបញ្ហាផ្សេងៗដើម្បីរារាំង នេះហើយគឺជាចំនុចសំខាន់នៃរឿងដែលធ្វើឲ្យរឿងនេះល្អមើល ធ្វើឲ្យអ្នកទស្សនាចង់តាមដាន មិនចង់ឈប់រហូតដល់ភ្លេចបាយទឹកក៏មាន។