យុវជនញៀនថ្នាំម្នាក់ ចង-ក សម្លាប់ខ្លួន នៅស្រុក កៀនស្វាយ

ប្រភពមកពី៖ khmerload
 http://www.khmerload.com/news/35582

កណ្តាល: យុវជនម្នាក់ញៀនថ្នាំ ឡើងវង្វេងវង្វាន់ បានចងកសម្លាប់ខ្លួន កាលវេលាម៉ោង ៣ទៀបភ្លឺ ថ្ងៃទី២៧ ខែកុម្ភ: ឆ្នាំ២០១៥ ស្ថិតនៅភូមិ ពពាលខែ ឃុំដីឥដ្ធ ស្រុកកៀនស្វាយ ខេត្តកណ្តាល ។
អ្នកស្រី ចាន់ សេថា ដែលត្រូវជាម្តាយ បាននិយាយថា កូនគាត់ធ្លាប់យក ទៅដាក់មណ្ឌលកែប្រែ ២-៣ដង រួចមកហើយ គាត់ថា នៅវេលាម៉ោង ជាង២យប់ គាត់ក្រោកពីដំណេក បើកមុងកូនមើល ស្រាប់តែបាត់ កូនពីមុង ក៏នាំគ្នាដើររក បានឃើញចង-ក នឹងខ្សែអង្រឹង ជាប់ដើមមៀន ។
បើតាមលោក ប៉ា សំអិត អធិការស្រុកកៀនស្វាយ បានឲ្យដឹងថា ជនរងគ្រោះមានឈ្មោះ ទូច ច័ន្ទវិសាល អាយុ ២៧ ឆ្នាំ មុខរបរ កសិករ រស់នៅភូមិ ឃុំកើតហេតុ ។
លោកអធិការ បានបន្តថា សមត្ថកិច្ចចុះទៅ ធើ្វការត្រួតពិនិត្យ ឃើញថា ជនរងគ្រោះចង-ក ស្លាប់មែនសមត្ថកិច្ច ប្រគល់ សពជូនក្រុមគ្រួសារ ធើ្វបុណ្យតាម ប្រពៃណី ៕



ផ្តល់សិទ្ធដោយ ដើមអម្ពិល